Al campiunadi europeic da ballape è la Svizra sa qualifitgada per l'otgavel final. En la gruppa A è il team dal trenader Murat Yakin sin plaz 2, victur da la gruppa è la Germania.
En la partida cunter la Germania hai dà in pari dad 1 :1. Il gol per la Svizra ha sajettà Dan Ndoye en la 28avla minuta. Pir en il temp supplementar, en la 92avla minuta ha il Tudestg Niclas Füllkrug egualisà al 1:1. El ha fatg in gol cun il chau.
Il proxim gieu dat l'equipa naziunal svizra la sonda proxima cunter il segund da la gruppa B. Quai pudess esser l’Italia, l’Albania u la Croazia.
