Al campiunadi europeic da ballape en Germania han la Svizra e la Scozia giugà pari 1 :1. Cun quest punct fa la Svizra in grond pass en direcziun otgavelfinal. En tut ha la Svizra uss 4 puncts.
En la 26avla minuta ha Xherdan Shaqiri sajettà il gol da siemi al 1:1. Ils Scots eran ids a la testa en l'emprima quart d'ura cun in gol da Scott McTominay. Ils Svizzers han dentant tut en tut gì dapli dal gieu, plinavant ha in gol entras Ndoye ed in entras Embolo betg valì pervia da offside.
La dumengia gioga la Svizra cunter la Germania. La Germania ha gia cuntanschì l'otgavelfinal. La squadra ha gudagnà lur segund gieu da gruppa cunter l'Ungaria cun 2:0.
Gieu da tippar
Gudagnà tras la sort tranter las duas respostas correctas ha Romina Darms. Ella survegn dus bigliets per il gieu Svizra – Danemarc dals 15 d'october a Son Gagl.
