En la davosa cursa dals campiunadis mundials a Courchevel/Méribel n'han ils Svizzers betg cuntanschì il metal prezius. Daniel Yule, Marc Rochat e Ramon Zenhäusern, che n'han betg gì in bun emprim percurs n'han er betg pudì far il sigl necessari en il segund percurs. Gia en l'emprim percurs è Loïc Meillard, ch'è partì sco emprim, crudà ora tar la terza porta.
Sensaziunalmain va il Grec AJ Ginnis sin il podest e gudogna argient. L'Austriac Manuel Feller, ch'era il pli spert en l'emprim percurs e crudà enavos sin il setavel plaz. Uschia è Henrik Kristoffersen da la Norvegia il nov campiun mundial da slalom. Il podest cumplettescha Alex Vinatzer da l'Italia.
Il podest:
- Henrik Kristoffersen (NOR) 1:39,50
- AJ Ginnis (GRE) +0,20
- Alex Vinatzer (ITA) +0,38
Ils Svizzers:
- 9. Ramon Zenhäusern +0,69
- 14. Marc Rochat +0,88
- 24. Daniel Yule +1,77
Ma er senza il success da slalom è la Svizra stada la naziun cun il pli grond success da quels campiunadis mundials.
