A San Murezzan gudogna l'americana Mikaela Shiffrin la cursa aval da la cuppa mundiala. Quai cun in temp da 1:28,84.
Be 15 tschientavels davos ella sa plazzescha la Taliana Sofia Goggia. E Federica Brignone, era da l'Italia, sa tschenta cun 17 tschientavels retard sin la terza plazza. Per las Svizras n'hai betg dà blers puncts questa sonda en l'Engiadina, la meglra è Michelle Gisin stada sin plaz otg.
Pervia da l'aura è la cursa vegnida finida suenter 35 atletas. Perquai che passa 30 skiunzas han finì la cursa vegn ella tuttina quintada.
Il podest:
- Mikaela Shiffrin (USA) 1:28,84 minutas
- Sofia Goggia (ITA) +0,15 secundas
- Federica Brignone (ITA) +0,17
Las Svizras:
- 8. Michelle Gisin +0,64
- 11. Corinne Suter +0,70
- 13. Lara Gut-Behrami +0,89
- 17. Priska Nufer +1,09
- 18. Jasmine Flury +1,17
- 19. Delia Durrer +1,26
- 25. Joana Hählen +1,65
- 30. Juliana Suter +2,64
audio
Per tadlar: curt e cumpact
ord RTR Audio dals 09.12.2023.
laschar ir. Durada: 2 minutas.
