En la cuppa mundiala dal ski alpin datti la proxima desditga. Las cursas parallelas da las dunnas e dals umens a Lech/Zürs, la fin d'emna proxima na pon betg vegnir realisadas. Raschun è la situaziun actuala da l'aura, igl è memia chaud. Er en Svizra è l' atun stà fitg chaud .
I dat nagina data da spustament. Da las otg cursas prevesidas enfin ussa, ha sulettamain il slalom gigant dals umens a Sölden gì lieu.