Il maraton da skis engiadinais suttastat al reglament da la Federaziun internaziunala da skis, FIS. Perquai na dastgan ils participants e las participantas annunziadas da la Russia betg partir a la 52aval ediziun dal maraton. Quai ha ditg il directur dal maraton a skis, Menduri Kasper.
La FIS ha decis l'entschatta mars ch'atletas ed atlets da la Russia e Bielorussia, na dastgan betg sa participar a concurrenzas da la FIS, pervi dal conflict en l'Ucraina. A la Federaziun internaziunala da skis FIS cun sedia en Svizra, sa participeschan 135 stadis. Ella è l’organisaziun da tetg per diversas disciplinas da sport d’enviern.
