10'000 persunas èn fin uss s'annunziadas per il Maraton da skis engiadinais. Quai annunzian ils organisaturs sis emnas avant che la cursa ha lieu. Tranter auter fetschia er il quatterdubel campiun olimpic Dario Cologna part. Quest onn haja cuzzà pli ditg enfin che la marca da 10'000 annunzias saja stada cuntanschida, hai num en la communicaziun da medias.
Tut en tut pon maximal 14'200 passlunghistas e passlunghists far part al maraton. L'ediziun da quest onn è dumengia, ils 13 da mars.
