-
Bild 1 von 8. Nino Schurter, il campiun mundial dal 2022. Bildquelle: Keystone.
-
Bild 2 von 8. Chiara Solèr da Lumbrein. En la categoria da junioras sut 19. Bildquelle: RTR.
-
Bild 3 von 8. Vital Albin, il campiun grischun. Bildquelle: Keystone.
-
Bild 4 von 8. Ginia Caluori da Panaduz. Parta en la categoria da cross-country. Bildquelle: Swisscycling.
-
Bild 5 von 8. Anina Hutter da Trimmis. Bildquelle: Keystone.
-
Bild 6 von 8. Janis Baumann d'Igis. Parta en la categoria cross-country U23. Bildquelle: Swisscycling.
-
Bild 7 von 8. Elena Hartmann da Domat. Bildquelle: Keystone.
-
Bild 8 von 8. Mauro Hassler da Cuira. Bildquelle: Thömus maxon Swiss Mountain Bike Racing Team.
Ils campiunadis mundials a Glasgow èn ils emprims ch'includan bunamain tut las disciplinas da velo, sco BMX, velo da via u mountainbike. Las cursas da mountainbike han lieu en il Glentress forest (Tweed Valley), circa 30 kilometers davent dad Edinburgh.
Ina nova dimensiun
Tut en tut pon passa 130 atletas ed atlets svizzers far il viadi a Glasgow a quests campiunadis mundials cumbinads. E mintgin e mintgina dovra l'agen material che sto vegnir transportà da la Svizra fin a Glasgow. En general saja l’organisaziun enorm gronda, uschia Patrick Müller ch'è schef da missiun da Swiss Cycling. Praticamain mintgin ch’ins chatta sin quest nivel en il circus da ciclissem saja per il mument en Scozia – saja quai sco participant u sco accumpagnader u accumpagnadra.
Quests campiunadis mundials sajan per Swiss Cycling ina nova dimensiun. Per exempel è vitiers in trenader che guarda specific sin la tecnica da mountainbike. U ina scienziada da sport che calculescha las strategias per las cursas sin via. L’entir event e pli grond ch'ils gieus olimpics.
Las cursas
I vegn dà en ils pedals dals 3 enfin ils 13 d’avust per passa 200 sets da medaglia. Las cursas da mountainbike èn nudadas en la tabella sut:
| Temp (urari da zona da l'Europa centrala) | Categoria |
|---|---|
| 02-08-23 | qualificaziuns |
| 04-08-23 da las 15:30 | downhill juniors e junioras |
| 05-08-23 da las 13:30/15:30 | downhill umens e dunnas |
| 06-08-23 da las 10:00 | maraton umens e dunnas |
| 09-08-23 da las 16:00/17:00 | E-MTB XC umens e dunnas |
| 10-08-23 da las 13:00 | cross country junioras |
| 10-08-23 da las 15:00 | cross country juniors |
| 10-08-23 da las 18:45-19:30 | cross country short track umens e dunnas |
| 11-08-23 da las 12:30/16:30 | cross country U23 umens e dunnas |
| 12-08-23 da las 12:30 | cross country dunnas |
| 12-08-23 da las 16:30 | cross country umens |
En tut sa participeschan tenor Velonews.com radund 8'000 ciclists e ciclistas a 13 disciplinas. L'organisaziun da l'event custia tranter 54 fin 67 milliuns dollars. Glasgow haja experientscha d'organisar eveniments da sport e porschia ina sceneria excepziunala per ils campiunadis mundials, ha il president da l'uniun da ciclissem internaziunala David Lappartient ditg.