Ad Elena Hartmann n’è la cursa cunter l’ura dals campiunadis mundials a Glasgow en la Scozia betg ida sco giavischà. La sportista oriunda da Domat, che viva dentant a Baar en il chantun Zug, ha stuì sa cuntentar cun il 23avel plaz en sia disciplina da parada. Sin la victura, l’Americana Chloé Dygert, ha Hartmann pers 3:28 minutas.
La dumengia a la cursa da via
La dumengia al davos di dals campiunadis mundials a Glasgow parta la ciclista da 32 onns, ch’ha cumenzà pir avant bun dus onns a far cursas da velo, anc en la cursa da via. En questa cursa vul ella simplamain mussar sia meglra prestaziun pussibla ed oravant tut sa gidar cun sias collegas da la naziunala svizra che hajan dapli schanzas sin ina medaglia, uschia Elena Hartmann.
