Guardar sur la spatla als megliers mountainbikers e las meglras mountainbikras dal mund, da viadi tras il Grischun. Quai porscha il livestream dal Swiss Epic 2024, dals 20 fin ils 24 d'avust. Impressiuns, intervistas e maletgs spectaculars datti er dal Cape Epic en l'Africa dal Sid. La cursa che vala sco «Tour de France» e pli dira cursa da mountainbike.
- 17 – 24 da mars: Cape Epic en l'Africa dal sid
- 06 – 07 da fanadur: Maraton da velo engiadinais a Zernez
- 26 – 07 fin ils 11 – 08: Gieus olimpics a Paris
- 04 d'avust: Maraton da bike Lumnezia
- 20 – 24 d'avust: Swiss Epic da La Punt a Tavau
- 31 d'avust: Maraton da bike dal Parc Naziunal Svizzer
En il center na stattan però betg mo ils profis, mabain era tut quellas e quels che van gugent cun bike. Saja la mecanista da velos, il pader da la claustra che fa regularmain kilometers cun velo, il team da cursa u er voluntarias e volutaris che sa gidan a las cursas popularas.
Turas, tips e trics cun e per vus
In'autra pussaivladad è da sa participar ad ina da las turas cun noss redactur da sport Andreas Wieland. Nus vulain udir da vossas rutas preferidas, da voss kilometers padelads e las aventuras sin e sper il velo. Detagls suondan qua en il decurs da las proximas emnas. E la finala na duessan er ils tips e trics dal trenament, sur la tura fin tar il service betg mancar – sin voss viadi cun RTR tras la stagiun da bike.
