Vital Albin ha la finala pers 2:08 minutas sin il Bernais Mathias Flückiger ch’ha uschia demonstrà ch’el è pront per sia uschè numnada segunda carriera. Cumplettà il podest sco terz ha cun Luca Schätti in ulteriur Svizzer.
Resultats Tamaro Trophy 2023
Tar las dunnas d’elita ha la Taliana Martina Berta evità ina festa svizra. Ella ha gudagnà avant Nicole Koller e Ronja Blöchlinger. Betg sin il podest èn stadas Sina Frei sco quarta ed Alessandra Keller sco 5avla.
En la categoria da las junioras sut 19 onns han duas Grischunas persvadì. Anina Hutter da Trimmis è vegnida davos la Taliana Valentina Corvi segunda e Chiara Solèr da Lumbrein è vegnida 5avla.
Bike Revolution
Las proximas cursas da Bike Revolution datti dals 5-7 da matg a Cuira. Tut en tut stattan quest onn sin il program tschintg cursas, tranter auter era dals 7-9 da fanadur a Tavau.
Or da l'archiv