2 e 3 da november - Emprim campiunadi grischun da gimnastica d'acrobatica

Las preschentaziuns da las acrobatas indigenas

Ils 2 e 3 da november han gimnastas e gimnasts d'acrobatica dal Grischun, ma er da tut la Svizra, sa mesirà a Mustér a l'emprim campiunadi grischun. Cunquai ch'il campiunadi vala sco concurrenza da qualificaziun per il campiunadi europeic, èn era teams da l'entira Svizra sa preschentads. Uschia sajan da spetgar prestaziuns sin aut nivel, scrivan ils organisaturs da l'Uniun da gimnastica Cadi. Las gimnastas ed ils gimnasts sa mesiran en differentas categorias.

Las concurrenzas – dumengia

Las concurrenzas – sonda

Rangaziun ed ulteriuras infurmaziuns

Acrobatas indigenas ed acrobats da renum

15 acrobatas ed in acrobat da l'Uniun da gimnastica Cadi èn sa participads al campiunadi – sper ils indigens èn era atletas ed atlets da renum stads da la partida, per exempel Matvii Kosariev e Viktor Berezovskiy. Els èn vegnids terzs als campiunadis mundials d'acrobatica il settember. Er il duo Timea Spielmann e Norina Fröhlich èn stads a la partenza, ellas èn daventadas otgavlas als campiunadis mundials.

Trenament professiunal er a Mustér

Avant dus onns ha la guerra en l’Ucraina manà ils profis da la gimnastica d’acrobatica Mikhail ed Irina Semenova en Svizra. Ed a Mustér è naschida tras els ina gruppa da trenament. 15 uffants treneschan intensiv quest sport sut la direcziun dal duo ucranais. La famiglia Semenov viva actualmain a Flem, ed per il mument vulan els restar en Svizra.