Aita Biert e l’accumpagnament d'umans moribunds

Sche l'Engiadinaisa Aita Biert di oz dal mument che «quai è quai che fa or la valur en la vita», è quai er in'amur, ch'ella ha savì sviluppar tras inscunters cun persunas, che n'avevan betg pli ditg da viver. Quellas persunas ha ella inscuntrà en sia lavur per la tgira palliativa u er per la Lia da cancer. Sche Vus pensais uss, gea, quai n'è lura betg propi in tema lev ed estiv, s'envida la «Vita e cretta» ad in discurs, che sa esser il cuntrari – ina decleraziun d'amur per il temp che mintgin da nus ha. U per dir cun ils pleds dad Aita Biert: «Questa lavur cun badar, la vita finescha, cun esser entretschada cun persunas ch'ins sa e ch'i san ch'i ston murir bainbaud – quai ha propi midà in zic mia vista sin la vita.»

Flurina Cavegn-Tomaschett è teologa e collavuratura pastorala en las plaivs da Glion, Sagogn, Schluein e Sevgein. Ella è commembra dal team diocesan per il svilup pastoral e part dal cussegl episcopal da l'uvestgieu da Cuira.