Nus tutgain ensemen

Nus essan ina gronda cuminanza. Er ina cuminanza en Cristus, sco quai che la baselgia vul esser. Paulus ha scrit ch'i na duess betg dar ina differenza tranter umens e dunnas, tranter giuven e vegl e sch'ins vul cumplettar quai tranter persunas cun impediment e senza, di la plevonessa Astrid Weinert.

Redacziun: Claudia Cathomen

La baselgia refurmada e la baselgia catolica envidan regularmain a servetschs divins per persunas cun handicap. Cun preparar servetschs divins inclusivs fan las duas spiritualas stim ch'els sajan ritualisads. I vegn adina cumenzà e finì tuttina. La plevonessa refurmada Astrid Weinert e la spirituala catolica Gisela Walser emprovan da pledentar tut ils senns. Ellas dovran maletgs, fan mintgatant gieus da rollas ed era la musica è impurtanta. Ed igl ha adina ina part, nua ch'ils participants e las participantas pon far insatge activamain.

Singulas contribuziuns

Zum Audio

Servetsch divin inclusiv

Durada 13 minutas 3 Secundas , Claudia Cathomen

Engraziaivladad, allegria, il traglischar dal plaschair – quai è quai che resta da servetschs divins inclusivs. E quai dat forza da cuntinuar, di Gisela Walser chè spirituala catolica en Vita e cretta.

Mintga persuna saja bainvegnida er tar servetschs divins tradiziunals, di la plevonessa refurmada Astrid Weinert. Er schi po esser difficil per persunas cun in impediment spirtal da suandar in tal servetsch divin.