Grazia ad ina retschertga pli gronda cun bleras datas han schurnalistas e schurnalists da SRF, dal Bayrischer Rundfunk e Netzpolitik.org constatà tge dimensiuns da la vendida da datas sensiblas che applicaziuns retiran d'utilisaders pudess avair. Cun parter il lieu (Standort) cun ina app partan utilisaders nua e co ch'els sa movan. Cun questas datas fan tschertas firmas da apps gratuitas fatschenta e vendan ellas a terzs che fan lura reclama persunalisada a nus sin il telefonin.
Glista da datas da 40'000 apps
En il center da la retschertga stat ina glista da 40'000 apps ch'ha rimnà las infurmaziuns da lieu da milliuns da persunas. Las datas cuntegnan 380 milliuns lieus da 47 milliuns apparats en 137 pajais. Per mintga singula persuna datti ina entira massa puncts geografics nua che ella è sa muentada, pia nua ch'ella va a lavur u nua ch'ella abitescha. Il team da retschertga ha intercurì las datas e pudì verifitgar che questas indicaziuns èn correctas.
Glista da datas da 40'000 apps
En il center da la retschertga stat ina glista da 40'000 apps ch'ha rimnà las infurmaziuns da lieu da milliuns da persunas. Las datas cuntegnan 380 milliuns lieus da 47 milliuns apparats en 137 pajais. Per mintga singula persuna datti ina entira massa puncts geografics nua che ella è sa muentada, pia nua ch'ella va a lavur u nua ch'ella abitescha. Il team da retschertga ha intercurì las datas e pudì verifitgar che questas indicaziuns èn correctas.