È «pajar be cun carta» legal?

Tenor in studi actual da la ZHAW e l'universitad da Son Gagl vegnan radund 31% da tut las transacziuns fatgas cun apparats mobils sco Twint u era «E-Wallets» sco Apple Pay u Google Pay. Tar tals «E-Wallets» vegn ina carta da debit u credit deponada digitalmain. Las activitads che vegnan fatgas cun cartas da debit (betg via telefon) u cun daners bluts èn mintgamai tar radund 24% – uschia pon ins discurrer d'in pari tranter las duas modas da pajament. Adina dapli affars n'acceptan betg pli daners bluts sco med da pajament. Era sche blers s’agitan da quest fatg è ina tala prescripziun tenor lescha svizra legala.