* Sminuir l'attractivitad: Per exempel cun tschentar giu las colurs. Quai sa lascha far cun android ed IOS e fa automaticamain pli pauc attractiv il telefonin. U betg installar las apps da las raits sozialas, ubain duvrar il browser per entrar ellas. Pia funcziunan ellas mender che cun l'app ed i na dat betg messadis da las raits.
* Laschar davent il telefonin en tschertas situaziuns, u er remplazzar el: Far diever da svegliarins u d'ina ura e betg prender il telefonin en la chombra da durmir meglierescha la sien. Quai è cumprovà scientificamain.
* Empruvar da parter en il temp vid il telefonin: Guardar mintga tschintg minutas sin il telefonin, dentant mo per intginas secundas, interrumpa la concentraziun. Dentant n'ha ina lunga interrumpziun betg il medem effect, per exempel guardar in film sin via a la lavur u tedlar in'emissiun da radio.
Sin l'entir mund passentan creschids e creschidas en media mintga di 5 uras vi dal telefonin. Quels tips pon forsa gidar cunter quai.
Igl è dentant gia in agid da vegnir pertschert: Sun jau stressà u stressada pervia dal telefonin, u disturba il telefonin mai en tschertas situaziuns? Lura pon ins ponderar atgnas strategias da desister dal televonin u duvrar pli cuntentaivlamain el.
Metter cunfins al telefonin
Il telefonin accumpogna nus da la bun'ura fin la saira. En media guarda ina persuna en Svizra 150 giadas per di sin siu telefonin. Mails, messadis e novitads na pon betg mo infurmar, mabain er disturbar. Perquai intgins tips co desister dal telefonin.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter