Las lavurs da la redacziun online èn multifaras. Quai che tuts e tuttas vesan è la pagina d'internet rtr.ch e tut las sutpaginas.
Per la pagina furnescha la redacziun artitgels da novitads, creescha il ticcher per ina sperta survista ed era las istorgias da redacturs e redacturas da radio u televisiun van anc atras ils mauns d'in «onliner». Quels artitgels vegnan controllads per ch'il rumantsch grischun saja correct, alura vegnan audios, videos ed auter material supplementar agiuntà.
Mintga di sa fatschentan 5 persunas cun questa lavur. L'emprim vegn da las 5:30, la davosa va a chasa a las 23:30.
Sper quellas lavurs ch'ins vesa direct sin la pagina rtr.ch èn ils onliners ed onlinras era responsabels per crear cuntegn supplementar, sco per exempel in quiz u retschertga. La redacziun fa era graficas, per exempel per cifras da dischoccupaziun u ina charta da survista cun tut las ovras solaras dal Grischun.
E tar tut questa lavur datti sustegn d'in sistem d'intelligenza artificiala. Ils collegas da la Svizra franzosa, da RTS, han sviluppà in tool che cumbinescha pliras maschinas sco ChatGPT u Gemini.
Quai tool sustegna la lavur dal mintgadi cun far propostas per dumondas d'intervista, resumar studis u era far ina emprima proposta per in artitgel. Il tool analisescha era communicaziuns da pressa e filtrescha ora l'impurtont u era quai ch'ina interpresa vul forsa betg propi dir.
Igl è dentant propi be in sustegn, cunquai che la responsabladad per quai che vegn publitgà è adina tar il redactur u la redactura e sch'i vegness ina giada surpiglià in tar in cuntegn da la maschina, stuess quai vegnir inditgà cler e vesibel.
Per la pagina furnescha la redacziun artitgels da novitads, creescha il ticcher per ina sperta survista ed era las istorgias da redacturs e redacturas da radio u televisiun van anc atras ils mauns d'in «onliner». Quels artitgels vegnan controllads per ch'il rumantsch grischun saja correct, alura vegnan audios, videos ed auter material supplementar agiuntà.
Mintga di sa fatschentan 5 persunas cun questa lavur. L'emprim vegn da las 5:30, la davosa va a chasa a las 23:30.
Sper quellas lavurs ch'ins vesa direct sin la pagina rtr.ch èn ils onliners ed onlinras era responsabels per crear cuntegn supplementar, sco per exempel in quiz u retschertga. La redacziun fa era graficas, per exempel per cifras da dischoccupaziun u ina charta da survista cun tut las ovras solaras dal Grischun.
E tar tut questa lavur datti sustegn d'in sistem d'intelligenza artificiala. Ils collegas da la Svizra franzosa, da RTS, han sviluppà in tool che cumbinescha pliras maschinas sco ChatGPT u Gemini.
Quai tool sustegna la lavur dal mintgadi cun far propostas per dumondas d'intervista, resumar studis u era far ina emprima proposta per in artitgel. Il tool analisescha era communicaziuns da pressa e filtrescha ora l'impurtont u era quai ch'ina interpresa vul forsa betg propi dir.
Igl è dentant propi be in sustegn, cunquai che la responsabladad per quai che vegn publitgà è adina tar il redactur u la redactura e sch'i vegness ina giada surpiglià in tar in cuntegn da la maschina, stuess quai vegnir inditgà cler e vesibel.