La Svizra è pli plauna cun far vaccinaziuns da rinfrestgament che ses pajais vischins. Entant ha in quart da las persunas sur 65 onns survegnì la terza dosa. Quai èn 7,4% da la populaziun, sco cifras da l’Uffizi federal da sanadad mussan. Cumpareglià cun ils pajais vischins è quai pauc.
En la Germania, Frantscha e l’Italia èn quai tranter 10 e 15% da la populaziun. Ed en l’Austria han 24% da tuts survegnì la vaccinaziun da rinfrestgament. En l’Austria è il booster pussaivel suenter quatter mais, en Svizra suenter sis mais.
