Spargnar il pli fitg vul la partida tar il sectur d'asil. Lezzas expensas duain vegnir divididas en dus sin duas milliardas francs. Actualmain sajan las expensas tenor la PPS tar 3,5 miliardas francs.
Il 2021 eran las expensas per il sectur d'asil anc main ch'ina milliarda francs.
Er tar l'agid da svilup duai la Confederaziun spargnar 1,5 milliardas. Quai muntass che pliras tschient plazzas vegnissan stritgadas.
17 propostas per reducir las expensas
En tut 17 propostas ha la PPS tarmess en furma d'ina brev a la gruppa da la Confederaziun. Tuttas propostas da spargnar pertutgan las expensas. Tenor Aeschi saja la finamira da restrenscher lezzas per evitar taglias supplementaras per ils burgais e las burgaisas.
La PPS vul reducir las expensas
Tenor Aeschi ha la Confederaziun surpiglià adina dapli pensums en il passà pervia dal squitsch davart ils chantuns. «Incumbensas che na ston betg pli vegnir ademplidas da la Confederaziun, pudessan ins returnar als chantuns u a purschiders privats», manegia Aeschi.
