L'interrogaziun haja gì lieu ultim venderdi, quai han rapportà differentas medias. Cunter Gisel na saja dentant betg vegnì avert in cas, scriva la gruppa Raiffeisen en ina communicaziun.
Cun la communicaziun cuntradi la Raiffeisen er a rapports ch'els hajan pretendì da sigillar actas. La pretensiun che la Raiffeisen haja vulì laschar sigillar documents ed auter material, saja fauss.
La procura publica da Turitg investighescha cunter l'antecessur da Gisel, Pierin Vincenz. Quai pervi da administraziun malfidaivla. Vincenz duai esser s'enritgì tar la cumpra da la societad da cartas da credit Aduno e la societad d'investment Investnet. Aduno ha denunzià Pierin Vincenz. El sa chatta dapi l'entschatta mars en arrest d'inquisiziun.
RR novitads 17:00