Ils rempars natirals da lais da glatscher pon rumper. L'aua che curra lura en ina giada da la val giu pudess er esser en Svizra in privel per umans. Quai rapporta in studi da scienziadas e scienzads da la Gronda Britannia e la Nova Zelanda.
Las 700'000 persunas en Svizra ch'èn potenzialmain pertutgadas n'èn dentant betg uschè periclitadas sco quellas en autras regiuns dal mund. Tenor las scienzadas è la populaziun en l'India, Pakistan, China ed il Peru pli fitg en privel. Là datti pli pauc meds da communicaziun ed infrastructura.
La stgaudada dal clima rinforza il problem
Talas inundaziuns vegnan pli probablas pervia da la stgaudada globala. Tras quella lieuan dapli glatschers, e la forza sin ils rempars natirals crescha. Ils scienzads han analisà il privel tras quels lais cun datas da satellit e models. Els han quintà or ch'i dat en tut 15 milliuns carstgauns che pudessan vegnir donnegiads tras inundaziuns da lais da glatschers.
