Dario Cologna vegn ad esser a partir dal 2024 il nov president da la giuria dal Prix Montagne. El daventa successur da Bernhard Russi ch'è sa retratg suenter 13 onns.
Prix Montagne
Avrir la boxSerrar la box
Il Prix Montagne, ch'è dotà cun 40'000 francs, undrescha mintg’onn projects plain success da las regiuns da muntogna svizras e vegn surdà cuminaivlamain da la Gruppa svizra per las regiuns da muntogna e da l’Agid svizzer per la muntogna.
Il premi dettia attenziun a projects en las regiun muntagnarda che hajan merità quella, uschia Cologna en la communicaziun dal Prix Montagne. El sa veglia engaschar per quai e s'allegria sin la nova lezia.
Tar la surdada dal premi ils 7 da settember vegn l'ex-skiunz Uranais Russi a surdar ses post uffizialmain al campiun olimpic quadrupel grischun.
