Il Prix Montagne da quest onn va en il Vallais Sut. Undrada cun il premi dotà cun 40'000 francs vegn la squadra che organisescha il «Palp Festival ed Village». Quel laschia renascher las tradiziuns e l'ierta culturala dal territori muntagnard cun concerts, exposiziuns ed occurrenzas culturalas, scrivan la Gruppa svizra per las regiuns da muntogna e l'Agid svizzer per la muntogna.
Il premi dal public Prix Montagne, dotà cun 20'000 francs, va a la firma da famiglia «Puralpina» en la Part Sura Bernaisa, che producescha itg-muntanella cun ervas.
Nagina victoria per il Grischun
La canorta Igniv da Glion, che maina trais canortas en Surselva, era er nominada per il Prix Montagne da quest onn. La canorta a Glion saja sa transfurmada ils ultims onns d'ina offerta modesta en in'istorgia pedagogica ed economica plain success, aveva quai num en la communicaziun per la nominaziun.
Or da l'archiv
La firma communicaziun.ch da Glion e la Tessanda da la Val Müstair gudognan il Prix Montagne 2020
