Il cusseglier naziunal grischun Jon Pult da la PS vul ponderar conscienziusamain ed en tut ruaus sch'el vul eventualmain candidar per il Cussegl federal. Quai ha communitgà Pult sur Twitter.
El è in dals nums ch'è vegnì numnà en connex cun la successiun dal cusseglier federal Alain Berset. Il cusseglier naziunal grischun vul decider quai l'atun suenter che sia partida e la fracziun hajan fixà la procedura da nominaziun – uschia Pult. Enfin lura veglia el sa concentrar sin la reelecziun en il Cussegl naziunal.
