Adina dapli persunas giuvnas daventan criminalas. L'onn passà hai dà en Svizra 11% dapli sentenzias cunter giuvenils che l'onn avant. Il pli fitg sajan s'augmentadas las sentenzias pervi da grevas blessuras corporalas, dispitas ed impedir acts uffizials.
Duas giuvnas e set giuvens èn vegnids sentenziads pervi da mazzament intenziunà. In da quellas persunas era sut 15 onns. Insumma èn las sentenzias cunter persunas sut 15 onns s'augmentadas il pli fitg – ils davos otg onns per bun 60%.
