D'in delict da mazzament u mazzament empruvà a 5 delicts. E da 26 delicts grevs da violenza a 45 il 2022. La criminalitad en il Grischun è creschida. Sumegliant vesi or naziunalmain.
La Polizia chantunala ha rapportà ch'igl ha dà 11'324 delicts il 2022, radund 2'000 dapli ch'il 2021. Ils blers da quels èn delicts da facultad.
Betg tut las cifras èn vi da crescher: delicts cun meds narcotics e criminalitad digitala n'hai betg dà dapli. Plinavant ha la Polizia chantunala annunzià ch'ella haja pudì sclerir dapli cas d'enguladitschs cun rumper en, en tut passa la mesadad, quai èn 13,6% dapli che il 2021.
Dumber da delicts da violenza creschan
Sin 1'000 persunas han 2022 dapli persunas fatg delicts da violenza. Aifer in onn è il dumber creschì da 2,7 sin 3,4 per 1'000 persunas. In augment ch'ins po observar en l'entira Svizra.
La Polizia chantunala, di che 27 dals delicts grevs da violenza 2022 èn stads blessuras corporalas grevas. 13 èn stads violaziuns.
La criminalitad digitala saja idà enavos dapi il 2021 per 10% sin 516 cas, ed il pli savens sajan quai crims en connex cun fraud digital.
Cunzunt l'aglomeraziun da Cuira saja pertutgada da l'augment dal dumber da crims: 43% da tuts delicts èn capitads là.
