La Svizra protegia en ina cumparegliaziun europeica memia pauc la biodiversitad. Cun radund 11% dal terren sut protecziun è la Svizra a la cua da la rangaziun. Per cumparegliar: en l'Uniun Europeica stattan passa 26% dal terren sut protecziun.
11% na tanschian betg
Perquai pretenda l'organisaziun per la protecziun dals utschels Birdlife ensemen cun autras organisaziuns ch'il parlament svizzer fetschia ina fin a la stagnaziun. Dapi passa 10 onns na saja da constatar nagin progress en Svizra malgrà ch'il pajais haja gia ratifitgà cunvegnas correspundentas.
Sco exempel numna el la cuntraproposta dal Cussegl federal a l' initativa da biodiversita. La Cumissiun per ambient, planisaziun dal territori ed energia dal Cussegl dals chantuns na ha betg vulì tractar quella cuntraproposta. Il Cussegl naziunal aveva anc approvà la cuntraproposta . Quella vul tranter auter colliar las surfatschas per biodiversitad ina tranter l'autra.
