Sin ers svizzers duain esser reservadas dapli surfatschas per la biodiversitad. Il Cussegl federal prevesa da duvrar marcantamain damain pesticids, sco er pli pauc nitrogen e fosfor per ina agricultura persistenta. Cunter quests plans sa dosta l’Uniun purila svizra. L’uniun sustegnia la reducziun dals pesticids.
Las ulteriuras pretensiuns giajan però memia lunsch, ha ditg Martin Rufer da l’Uniun purila svizra envers SRF. Quai flaivlentass numnadamain la producziun en Svizra. Pro Natura crititgescha la tenuta da l’uniun purila. Quella na saja betg credibla.