La sonda èn sa radunads differents clubs da nudar da salvament da tut la Svizra per ina concurrenza. Uffants da 10 fin 14 onns han cumbattì per la victoria en sis differentas disciplinas. La concurrenza dura dus dis. Igl è l'emprima giada dapi corona, che questa concurrenza ha puspè lieu.
Per la trenadra Ruth Risch è la concurrenza in trenament impurtant per il cas serius. Il stress e la tensiun tar la concurrenza saja fitg sumegliant a la situaziun reala, nua ch'ins haja era da reagir fitg spert.
Tras quest stress da la concurrenza ch'i dat, exercit'ins il cas serius.
Quest stress senta'ins er en la halla. Ils uffants van si e giu gnervus. Els spetgan sin la partenza da la proxima disciplina: staffetta da poppas. Là nodan els cun ina poppa e «salvan» ella.
-
Bild 1 von 4. Ils ins vegnan tratgs cun ina suga or da l'aua. Bildquelle: RTR.
-
Bild 2 von 4. Ruth Risch, la trenadra da la SLRG, cun dus auters organisaturs. Bildquelle: RTR.
-
Bild 3 von 4. Ils uffants mettan la suga per l'ultima disciplina. Bildquelle: RTR.
-
Bild 4 von 4. Il bogn Sand è plain persunas. Bildquelle: RTR.
Naschida saja quella occurrenza per casualitad, di Ruth Risch. Pli baud han els simplamain entupà in l'auter ed insacura èn naschidas las emprimas concurrenzas. En il fratemp han els er adattà las reglas a la concurrenza.
Tar nus dastg'ins tegnair sut l'aua il chau da la poppa da trenament, quai na dastgass ins en cas d'urgenza natiralmain betg.
Ella raquinta ch'ella trenescha ina giada l'emna cun ils uffants, e duas giadas avant la concurrenza. Tuttina na saja ella betg pli gnervusa, perquai che per ella na saja quai nagut nov.
-
Bild 1 von 4. Ils derschaders decidan davart ils puncts penals. Bildquelle: RTR.
-
Bild 2 von 4. In signal per ils auters commembers dal team, ch'ella ha tutgà l'ur. Bildquelle: RTR.
-
Bild 3 von 4. Tut ils teams spetgan fin a la proxima disciplina. Bildquelle: RTR.
-
Bild 4 von 4. Cun ina suga vegnan els retratgs. Bildquelle: RTR.
La sonda han els gì quatter disciplinas, la dumengia duas.
Natiralmain speran ils uffants ch'i na dettia mai in cas serius, ma tuttina din els ch'els fissan pronts. Ils nudaders pli vegls gidan mintgatant als guardiabogns en l'Obere Au. Tar questa concurrenza stat dentant il divertiment en il center.