Emprim agid per victimas d'incendi
- resguardar l'atgna segirtad
- prender si contact
- liquids sbuglients: allontanar vestgadira
- sche la vestgadira brischa: stizzar uschè spert sco pussaivel
- nagina respiraziun: cumenzar cun reanimaziun cardiopulmunala
- betg sfradentar! Privel da sfradentada.
- Telefonar als pumpiers en Svizra: 118
Tips per segirtad per far bogn
- Uffants pitschens adina en distanza per pigliar
- Adina accumpagnar uffants. Alettas da nudar ed auters meds na remplazzan betg la surveglianza tras creschids
- Tge ch'è privlus sin la terra, po esser mortal en l'aua: alcohol, stancladad, malsognas
Quai onn èn gia 20 persunas najadas en Svizra. Tgi che sa tegn vi da las reglas da prevenziun po dentant ir a far bogn quasi senza privel.
Co inditgar in lieu d'accident
Sco emprim dumonda la centrala d'urgenza Voss lieu. Sch'ins è ordaifer sin vias chantunalas, vias sveltas ed autostrada:
a l'ur da la via datti in numer da la via ed il dumber da kilometers per inditgar a la centrala.
Essas Vus en in lieu che n'è betg cuntanschibel: alarmar la Rega pon ins il meglier cun l'app messa a disposiziun da la Rega.
Tar l'artitgel: Tge fetsch jau tar in accident sin via
Emprim agid en quatter pass
- Far in clom d'agid: Sch'igl è da spendrar la vita ad insatgi, lura adina telefonar a 144.
- Tschantschar e guardar sche la persuna è conscienta. Sch'ella dat resposta, gidar tenor situaziun.
- Sche na: tira ella flad. Lura guardar che la via respiratorica è libra e metter en posiziun laterala.
- Sche na: Reanimar, 30 giadas massascha dal cor, 2 giadas respirar fin ch'agid arriva. Sche pussaivel duvrar in defibrillatur.
Savais nua ch'il defibrillatur è en Vossa vischnanca? Qua chattais il lieu: https://defikarte.ch/
Reagir sin problems medicinals:
- Schoc allergic: Guardar sche la persuna ha cun ina squitta cun adrenalin.
- Intoxicaziun: emprim clamar agid (144), lura telefonar a Tox Info Suisse (145)
- Infarct dal cor: Laschar seser la persuna pertutgada cun corp sur elevà.
L'uniun locala da samariters u samaritras porscha curs d'emprim agid, là pon ins rinfrestgar sia savida d'emprim agid. Er uffants pon gia spendrar ina vita en il cas d'urgenza. Ins po trenar cun els da telefonar e respunder las dumondas, per ch'els èn preparads en il mender cas.
Ils pli impurtants numers da telefon d'urgenza
- Ambulanza: 144 (adina sch'ins na sa betg valitar la situaziun / sch'i dat privel da vita ed i dovra sustegn medicinal)
- Clom d'agid en l'Europa: 112 (il 144 europeic)
- Tox Info Suisse: 145 (adatg: tar ina tissientada suspectada emprim contactar 144)
- Clom d'agid per uffants e giuvenils: 147
- Maun offert: 143 (per immediat agid psicologic)
- Rega: 1414 (per lieus betg cuntanschibels per l'ambulanza)
- Polizia: 117
- Pumpiers: 118