Jets da cumbat F-35
Cura duai la Svizra suttascriver il contract da cumpra per ils 36 aviuns da cumbat F-35? Davart questa dumonda sto suenter il Cussegl dals chantuns ussa anc il Cussegl naziunal decider. La maioritad burgaisa e la cussegliera federala Viola Amherd vulan ussa metter il fain en ladritsch. Ils adversaris vulan percunter spetgar cun la decisiun definitiva enfin che la populaziun ha pudì decider davart l’iniziativa dal pievel davart la quala il Cussegl federal sto ussa s’occupar e trametter in messadi al parlament. Betg il davos pervia da la guerra da la Russia cunter l’Ucraina han ils aderents da novs aviuns da cumbat il mument las meglras chartas.
Chareschia
Era pervia da la guerra èn creschids ils pretschs. Il Parlament federal vegn perquai a discutar davart la capacitad da cumpra ch’è sa reducida. Sin maisa èn propostas da praticamain tuttas partidas. Ina da las dumondas è co e sche insumma il Cussegl federal duai distgargiar finanzialmain las chasadas privatas ed las interpresas.
Energia
Er duai il parlament approvar la protecziun finanziala ch'il Cussegl federal ha gia decis a favur d'interpresas d'electricitad. Pervia da las midadas al martga d'electricitad sajan quellas interpresas sut grond squitsch.
Protecziun dal luf puspè tema
A la fin da la sessiun discutescha il Cussegl dals chantuns lura anc davart il luf. Sin maisa è ina proposta per ina revisiun da la lescha federala da chatscha che sia cumissiun ha elavurà. Tranter auter vul quella pussibilitar da sajettar lufs a moda preventiva.