Il Cussegl federal ha tuttenina dà gas tar sia strategia da sortida. A partir dals 11 da matg pon uss er restaurant puspè avrir ed er far sport en gruppas pitschnas è puspè pussaivel. Perquai:
- As allegrais Vus sin las schluccadas?
- Avais Vus tema d’ina segund’unda d’infecziun?
- Essas Vus cuntents cun l'agir dal Cussegl federal?
Prendai in zic temp ed as participai a nossa retschertga!
Qua chattais las dumondas
Era per questa terza retschertga naziunala ha la SRG SSR incumbensà l'institut da perscrutaziun Sotomo. Ils resultats da la retschertga vegnan publitgads ils 7 da matg a las 17:00 sin tut ils chanals da RTR, SRF, RTS e RSI.
As participar pudais Vus a moda anonima. Las respostas vegnan tractadas a moda confidenziala.
