Bleras famiglias en Svizra spetgan che lur situaziun sa mida ils proxims trais onns en ina schleta direcziun. Cunzunt en vista a las finanzas. Quai mussa la retschertga da l'organisaziun «Pro Familia» e da la segirada Pax.
Il pli fitg fatschentan las famiglias en Svizra las premias da las cassas da malsauns che creschan ad in crescher. I suondan ils ulteriurs custs per la sanadad, e per il abitar. Tier bunamain la mesadad da las famiglias tanschan las entradas strusch, ni insumma betg per ils basegns dal mintgadi.
Malgrà quitads tenuta positiva
A la fin dals quints èn tuttina 76% da las famiglias cuntentas cun lur vita da famiglia actuala. Da la politica giavischassan ellas cunzunt mesiras cunter autas premias e sustegn finanzial.
Sa participadas a la retschertga, fatga la fin dal 2022 èn passa 2'000 famiglias da tuttas regiuns svizras.
