Tar cussegliaziuns da persunas pli veglias en situaziuns precaras constatescha l’organisaziun adina puspè ch’i dettia gia dapi ditg in dretg sin prestaziuns supplementaras. Ils pertutgads e las pertutgadas n’hajan dentant betg fatg diever da quellas. Quest fenomen hajan ins er observà durant las passa 55’000 cussegliaziuns fatgas mintg'onn. Ussa vegnian analisadas las raschuns per quella situaziun.
Informaziuns tar l'annunzia per prestaziuns supplementaras
Nunsavida, tema e turpetg
Sco raschuns per desister da las prestaziuns supplementaras han ils seniors inditgà da betg chapir bain las prestaziuns da vegliadetgna, da betg vulair emplenir ora la dumonda, da sa turpegiar u che persunas da l'ester han tema da perder il status da dimora. Lura datti era persunas che na veglian betg vegnir a dies al stadi u betg esser dependentas da «daners esters», hai num en il studi.
Pertutgadas èn savens dunnas, vaivas, burgais da l’exteriur e persunas senza ina scolaziun secundara u terziara. La pli gronda part da questas persunas abiteschan ultra da quai en vischnancas ruralas.
