Departaments che van en novs mauns:
- Albert Rösti (PPS): Departament federal per ambient, traffic, energia e communicaziun
- Elisabeth Baume-Schneider (PS): Departament federal da giustia e polizia
- Karin Keller-Sutter (PLD): Departament federal da finanzas
Ils ulteriurs departaments restan en ils mauns da lur anteriurs manaders e manadras:
- Alain Berset (PS): Departament federal da l'intern
- Guy Parmelin (PPS): Departament federal d'economia, furmaziun e retschertga
- Viola Amherd (AdC): Departament federal da defensiun, protecziun da la populaziun e sport
- Ignazio Cassis (PLD): Departament federal d'affars exteriurs
Trais departaments en novs mauns
Cunquai che Keller-Sutter surprenda il Departament federal da finanzas resta quel en mauns burgais. La PS è be darar stada a la testa da quest departament dapi l’invenziun da la furmla magica 1959.
La maioritad burgaisa po er surprender Departament federal per l'ambient, traffic ed energia che vala sco impurtant. Albert Rösti surprender da Simonetta Sommaruga (PS). Che Baume-Schneider va en il Departament federal da giustia e polizia n'è betg ina surpraisa: il departament è savens il «departament da principiants» per novas cusseglieras e novs cussegliers federals.