A partir dad immediat duain ins betg pli dar il maun in a l'auter. Quai saja ina da las recumandaziuns che la Confederaziun vegnia a far ils proxims dis per franar la derasaziun dal coronavirus, ha ditg Daniel Koch, il manader da la partiziun per malsognas contagiusas, en in’intervista cun la gasetta NZZ am Sonntag. Ulteriuras recumandaziuns pudessan sa drizzar ad interpresas. Per exempel che quellas appelleschan a lur collavuraturs da far home-office.
Las novas mesiras duajan manar a quai che pli paucas persunas vegnan en contact ina cun l'autra e cumplettar la campagna d'infurmaziun actuala. Da restrenscher viadis entaifer la Svizra, sco quai saja il cas en la China, na saja il mument nagin tema, uschia Koch.
video
Co lavar endretg ils mauns?
Or da Giuventetgna dals 24.02.2020.
laschar ir. Durada: 59 Secundas.
RTR novitads 11:00
