Legenda:
Ina dretga debatta davart la tecnologia da tracing na haja quai dat en il parlament vegn crititgà dal comité. Tar quel tucca tranter auter il Cusseglier naziunal vallesan dal PPS Jean-Luc Addor. Ins tema ina dictatura digitala.
Keystone
cuntegn
Protecziun da datas - Comité fa referendum cunter SwissCovid-App
Il suveran svizzer duai decider a l'urna davart la SwissCovid-App. Ina gruppaziun, che è per gronda part da la Svizra franzosa, ha lantschà il referendum cunter la basa legala da l'app.
L'applicaziun è dentant gia en funcziun ed er la lescha correspundenta è gia entrada en vigur. Il parlament aveva declerà quella sco «urgenta». Tuttina vul il comité dal referendum stritgar la basa legala. El crititgescha ch’ils ristgs da la tecnologia na sajan betg vegnids discutads. Ella tema ina «dictatura digitala».
Enfin ils 8 d'october ha il comité uss temp da ramassar las 50'000 suttascripziuns necessarias per il referendum. Part dal comité è tranter auters il cusseglier naziunal dal Valais Jean-Luc Addor (PPS).
