Malgrà emprims effects positivs entras las schluccadas da las mesiras saja l'economia svizra anc lunsch davent da sa normalisar, ha declerà il directur dal KOF, Jan-Egbert Sturm.
La luna dals consuments stoppia anc sa revegnir cumplettamain. Plinavant haja la Svizra sco pajais d'export il problem, che la conjunctura internaziunala saja anc lunsch davent dal punct d'avant la crisa da corona.
Ina recessiun na saja betg d'evitar. Gist en l'industria haja la crisa pir cumenzà. Malgrà tut las stentas dettia dapli persunas senza lavur en Svizra. Il KOF quinta per quest onn en media cun ina quota da dischoccupaziun da 3,6%. Per l'auter onn cun 4.3%.
