La Svizra sto pervia da la crisa da corona quintar cun la pli auta recessiun da l’economia dapi la crisa d’ieli il 1975. Il Secretariat da stadi per l’economia SECO quinta cun in regress da 6,7% tar il product interiur brut.
Tar l’emprima stimaziun avant tschintg emnas quintava il SECO anc cun in regress dad 1,5%. Er il 2021 vegnia l’economia a sa revegnir mo plaun. La quota da dischoccupaziun vegnia a crescher l’auter onn sin 4,1%. Il 2019 era la quota da dischoccupaziun en media anc tar 2,3%.
