Per finanziar las expensas supplementaras da l’Armada svizra pudess il parlament augmentar temporarmain la taglia federala directa. Era d’augmentar temporarmain la taglia sin la plivalur saja in’opziun. Quai ha ditg Gerhard Pfister, il president da l’Allianza dal Center envers la «NZZ am Sonntag».
Be spargnar na saja betg avunda
Tgi che blocheschia mintga discussiun en ina tala direcziun, stoppia da sia vart era furnir ina proposta per schliar il problem. Sulettamain da spargnar na tanschia definitivamain betg. Ils custs immens da la guerra en l’Ucraina e sias consequenzas sforzian da ponderar anc ina giada las entradas dal stadi. Perquai irriteschia ch’i na saja betg il Cussegl federal che determineschia la direcziun en questa dumonda decisiva, mabain che las partidas ed il parlament stoppian chattar ina via, uschia Pfister vinavant.
En vista a la finanziaziun da l'armada sa fa el quitads per il budget da la Confederaziun. Gia oz saja il privel grond sch'il parlament na possia betg fixar in budget per l'auter onn.
Or da l'archiv
