A chaschun da la radunanza da delegads pretenda la Societad svizra d’uffiziers dapli daners per l'armada. Quai scriva l'agentura da novitads Keystone-SDA. I giaja persuenter da serrar gravantas largias finanzialas en la cassa da l'armada. Plinavant sajan enfin l'onn 2035 investiziuns en l'autezza da 40 milliardas francs necessarias per che l'armada Svizra sappia ademplir sia incumbensa. Dapli daners dettia er segirezza da planisaziun.
Sper las finanzas han ils uffiziers er discutà davart moziuns ord il parlament che vulan engrevgiar a persunas da evitar il servetsch dal militar.
La radunanza da delegads da la Societad svizra d’uffiziers ha gia lieu oz a Lugano. Preschents eran tranter auter il schef da l'armada Thomas Süssli ed il minister da l'exteriur Ignazio Cassis.
Or da l'archiv
Tar l'armada svizra dettia ina rusna finanziala ubain ina rusna la liquidaziun. Las davosas emnas ha l'armada adina puspè fatg lingias grassas pervia da lur finanzas. Las suandantas contribuziuns dattan ina survista da las sfidas.
