L'emprim quartal dal 2022 hai en cumparegliaziun cun la fin da l'onn passà dà radund 1'000 plazzas libras dapli en il sectur da la tgira. Quai communitgescha la Federaziun professiunala da las persunas responsablas per la tgira. Ed er la pratica mussia che la situaziun daventia pli critica. Per evitar che uschè bleras persunas bandunian la tgira pretenda la federaziun ch'ils chantuns reageschian ussa. Quai cun reducir temps da lavur, cun supplements e cun cumpensaziuns da temp.
Il suveran svizzer ha approvà il november passà l'iniziativa da tgira. Il Cussegl federal vul sco emprim far dapli per la scolaziun. Per meglras cundiziuns da lavur e pajas vul el prender dapli temp.
