22% dals Svizzers e Svizras studegian da midar la cassa da malsauns. Quai mussa ina retschertga da l'interpresa da cussegliaziun Accenture. Plinavant vulan radund 12% da las dumandadas optimar ils custs tar lur cassa actuala.
La gronda maioritad – var 66% – na vul betg midar cassa, mobain sco emprim spargnar sin auters secturs, sco per exempel tar la vestgadira, chalzers, e tar ils custs per restaurants u hotels.
Las premias per cassas da malsauns s'augmentan en media l'onn che vegn per 6,6%.
