Per tge vai? - Congedi da paternitad - Novitads

Per tge vai? Congedi da paternitad

Babs duain pudair far duas emnas congedi pajà aifer ils emprims 6 mais da la vita da l'uffant. Per ils ins in minimum – per auters in luxus che na fa betg da basegn. Qua ils fatgs da la fatschenta che va en votaziun ils 27 da settember 2020.

Autor: RTR Berna & RTR Newsdesk

11.08.2020, 15:51

Dunnas han da bun in congedi pajà da 14 emnas tar la naschientscha da lur uffant. Uss duain era babs survegnir dapli dis.

Il Cussegl federal recumonda d'acceptar il congedi da paternitad da 2 emnas. En il parlament federal hai dà lungas discussiuns davart quest tema:

Il congedi da duas emnas è ina cuntraproposta a l'iniziativa che pretenda quatter emnas congedi da paternitad. Lezza aveva il Cussegl federal proponì da refusar – il parlament ha en sias debattas lura decis da far ina cuntraproposta. Ils iniziants èn pronts da retrair lur iniziativa sch'il congedi da duas emnas vegn acceptà.

Suenter la discussiun a Berna han represchentants da la PPS e da la PLD giuvna prendì il referendum e perquai po il suveran uss decider a l'urna.

La Partida populara svizra e la Partida liberaldemocratica èn encunter il project da votaziun. Las autras partidas sustegnan quel.

Sin in clic tut las fatschentas federalas e communalas.

Header

cuntegn

Per tge vai? Congedi da paternitad

Cuntraproposta a quatter emnas

Dossier online rtr.ch/votaziuns

Artitgels legids il pli savens

cuntegn

Cuntraproposta a quatter emnas

Dossier online rtr.ch/votaziuns

Dapli dal tema

Artitgels legids il pli savens

Tschertga

Navigaziun principala