Il Cussegl naziunal va d'accord cun il Cussegl dals chantuns che la Confederaziun duai sulettamain anc pajar ils tests fin la fin da l'onn. Sch'il test è necessari han da nov las cassas da malsauns da pajar il test il 2023.
La cumissiun da sanadad dal Cussegl naziunal ed Alain Berset, schef da l'Uffizi federal da sanadad (BAG), eran dentant encunter e vulevan mantegnair il sistem da tests per l'entir enviern. Il Cussegl federal vuleva er laschar pajar ils chantuns per ils tests suenter il 2022 – tge ch'ils chantuns han cumbattì cun success.
Mesiras cunter corona prolungadas fin 2024
Ulteriuras mesiras cunter corona, fixadas en la lescha Covid-19, valan vinavant fin il zercladur dal 2024. Sche necessari, vul il parlament puspè far diever dal certificat da corona.
audio
Per tadlar: las novitads da las 15:00
ord RTR Audio dals 08.12.2022.
laschar ir. Durada: 3 minutas 23 Secundas.
