La cumissiun da politica statala dal Cussegl dals chantuns vul dapli transparenza tar las entradas da deputadas e deputads dal Parlament federal. Ella ha approvà in'iniziativa parlamentara dals verds che pretenda, che deputads ston inditgar almain circa da tut las activitads lateralas. Quai per rinforzar la confidenza da la populaziun en il parlament.
Vinavant betg obligatori èsi però d'inditgar las entradas da la professiun principala.
La decisiun n'è però betg stada unanima cun 7 a 4 vuschs. La minoritad è encunter e pretenda che quai cuntrafetschia al principi dal parlament da milissa. I vegnia gea era spetgà ch'ins s'engaschia sper la lavur e surprendia mandats.
