Dapli parlamentaris federals inditgeschan entradas externas ch'avant quatter onns. Sco che «Lobbywatch» scriva, hajan 117 persunas, u 56% dals cussegliers e cusseglieras che stattan puspè a disposiziun a las elecziuns dals 22 d'october, inditgà detaglià quant ch'els fadian cun lavurs sco cussegliers administrativs, en gremis d'uniuns u sco consulents. Avant quatter onns avevan be 33% fatg quellas indicaziuns.
La transparenza saja la pli auta tar ils verds, nua che 94% dals parlamentaris e parlamentarias hajan inditgà lur entradas ordaifer lur lavur. Ils main transparents sa chattan tar la PPS. Là han be 29% inditgà lur entradas.
