Il Cussegl naziunal ed il Cussegl dals chantuns èn sa cunvegnids sin in ulteriur punct central tar la lescha federala davart in provediment cun forza electrica segir cun energias regenerablas.
Ovras idraulicas dastgan en l'avegnir mo lura manar pli pauca aua restanta en ils flums sch'i smanatscha ina mancanza da forza electrica. Il Cussegl dals chantuns è suandà al Cussegl naziunal.
I dat anc pitschnas differenzas, per exempel tar l'obligatori solar per parcadis. Quels vul il Cussegl naziunal – cuntrari al Cussegl dals chantuns – avair cuvrì cun moduls solars, dentant pir a partir d'ina tscherta grondezza. Sco proxim va la fatschenta puspè en il Cussegl naziunal.
