Il persunal da tgira sa senta pli stressà durant la pandemia da corona. Factur da stress saja sur tut stà il privel d'infectar confamigliars cun il coronavirus ed il tegnair distanza necessari pervi da quai. Quai mussa ina nova retschertga da l’Universitad da Berna tar radund 4’000 spezialistas e spezialists da tgira en 19 differents ospitals.
La chargia saja creschida en cumparegliaziun cun l’onn avant. Quai pertutgia tuttas partiziuns. Cunzunt dentant en la partiziun d’urgenza e l’intensiva. La cuntentientscha da lavur saja percunter creschida. Il motiv è tenor ils auturs dal studi: che la renconuschientscha per la lavur saja creschida.
Il persunal da tgira en ils ospitals svizzers saja stà fitg stressabel e motivà durant l'emprima unda. Ma sche quai giaja uss er vinavant uschia en la segunda unda, sajan ins actualmain vid retschertgar.
